Shveıtsarııa kóshi-qon saıasatyn qatańdatpaq
ASTANA. QazAqparat - Shveıtsarııada kóshi-qon saıasatyn qatańdatý máselesine arnalǵan jalpyulttyq referendým bastaldy.
El turǵyndary «Jappaı kóshi-qonǵa qarsy» ataýymen Shveıtsarııa halyqtyq partııasynyń qoǵamdyq talqylaýǵa shyǵarǵan bastamasyna ózderiniń pikirin bildirýi tıis.
Federaldyq jıynda (parlament) negizgi oryndardy alyp otyrǵan ýlraońshyl saıası kúshterdiń paıymynsha, memleket jyl saıyn 80 myńnan astam sheteldikti qabyldaı almaıdy.
Partııa ókilderiniń aıtýynsha, kóshi-qonnyń qazirgi jaǵdaıy ınfraqurylymdyq kúrdeli problemalardy týyndatýda. Sonymen qatar kóliktik jáne bilim júıelerinde de aýyrtpashylyq baıqalyp otyr. Sonymen qatar olar sheteldikterdiń aǵylyp kelýi saldarynan jergilikti shveıtsarlyqtar jumystarynan aıyrylyp jatqandyǵyn alǵa tartýda.
Jaqynda shveıtsarlyq radıo habar taratý korporatsııasynyń júrgizgen saýalnamasy barysynda atalǵan bastamany jergilikti turǵyndardyń 43 paıyzy qoldasa, 50 paıyzy kóshi-qon salasyndaǵy jańa bastamaǵa qarsylyq tanytyp otyr. Sonymen qatar suralǵandardyń 7 paıyzy atalǵan másele boıynsha sheshim shyǵaryp úlgermegen eken.
Shveıtsarııa álemde referendým ótkizýden birinshi orynda kele jatyr. 1948 jyldan beri osy elde 500-den astam jalpyulttyq plebıstsıt uıymdastyrylǵan kórinedi.
