Shveıtsarııa qazaqstandyq taý gıdi, shańǵy nusqaýshysynyń standartyn jasaýǵa kómektesedi
ASTANA. QazAqparat - Shveıtsarııada elimizdiń týrızm salasyn damytý baǵytyndaǵy birneshe kezdesý ótkizilip, kelisimder jasaldy, dep habarlaıdy QazAqparat tilshisi «Kazakh Tourism» UK AQ-na silteme jasap.
«Kazakh Tourism» UK AQ-nyń basqarma tóraǵasy Rashıd Kúzembaev 29 qazan men 2 qarasha aralyǵynda Shveıtsarııada jumys saparymen bardy.
«Resmı sapar kezinde Jeneva men Tsıýrıhte týrıstik kompanııa ókilderi men áleýetti ınvestorlardyń qatysýymen eki roýd-shoý ótkizildi. Onda jalpy Qazaqstan men respýblıkalyq týrıstik kartasynyń TOP-10 ınvestıtsııalyq jobasy tanystyryldy», - delingen kompanııa habarlamasynda.
Odan bólek, Jenevada Dúnıejúzilik ekonomıkalyq forýmy ókilderimen týrızmniń básekege qabilettilik ındeksi jáne saıahattaý máselesi talqylandy. Atalǵan ındekstiń 2025 jylǵa deıingi ishki jáne kóshpeli týrızm atty ázirlený ústindegi memlekettik baǵdarlama aıasynda mańyzdy ındıkator ekenin atap ótken jón.
Sonymen qatar, «Kazakh Tourism» ulttyq kompanııasynyń basshysy Rashıd Kúzembaev bastaǵan deletsııa Tsıýrıhte ekonomıkalyq suraqtar tóńireginde (Seco) memlekettik hatshylyq basshylyǵy jáne Swiss Tourism, Swiss Health, Swiss Education Grou kompanııalary ókilderimen birqatar kezdesýler ótkizdi.
Kezdesý nátıjesinde Kazakh Tourism men Swiss Tourism kompanııalary ózara yntymaqtastyq týraly memorandýmǵa qol qoıdy. Ol boıynsha Shveıtsarııa elimizdiń ulttyq saıabaqtary men taýly mekenderinde jyl boıǵy týrızmdi damytý jáne taý gıdteri men shańǵy nusqaýshylaryn daıyndaý standarttaryn engizý men beıimdeýge at salysady.
Sol sııaqty atalǵan kelisim eki el arasyndaǵy týrıstik ónimderdi ilgeriletýde ózara qoldaý men aqparat almasýǵa jáne halyqaralyq yntymaqtasýǵa baǵyttalǵan.
