Shveıtsarııa qarttarǵa evtanazııa jasaýǵa ruqsat bermekshi
ASTANA. QazAqparat - Ulybrıtanııada «Shveıtsarııaǵa barý» sózi qorqynyshty maǵynaǵa ıe, óıtkeni ol sózdi ómirmen qoshtasýǵa bel baılaǵandar aıtady. Dárigerlerdiń kómegimen ólgisi kelgender Shveıtsarııaǵa barady, dep jazady Lenta.rý.
Statıstıka málimetterine sáıkes, sońǵy bes jylda mundaı oqıǵalar sany eki ese artty: 2011 jyly Shveıtsarııa aýmaǵynda birneshe júzdegen adam evtanazııa jasatsa, byltyrǵy jyly bul kórsetkish myńnan astam adamǵa artqan. Exit kompanııasy daýasyz aýrýǵa shaldyqqan jáne azap shegýshi naýqastardy ǵana emes, qarapaıym qarttardyń da óz erkimen ómirmen qosh aıtysýyna kómektesýdi oıǵa alǵanyna qaraǵanda, bul kórsetkish te artýy múmkin.
«Biz Exit kompanııasynyń usynysyna túbegeıli qarsymyz. Bul sheshim egde jastaǵy turǵyndar arasynda óz-ózine qol jumsaý oqıǵasyn jıiletý qaýpi bar. Jasy ulǵaıǵan deni saý adamdardyń qan qysymy kóterilip, saldarynan ómirmen qosh aıtysýǵa sheshim qabyldaýynan qaýiptenemiz», - dep Shveıtsarııa medıtsınalyq qaýymdastyǵynyń dárigeri ıÝrg Shlýp Exit bastamasyna óz pikirin bildirdi.
Qazirgi ýaqytta evtanazııaǵa ruqsat etilgen eýropa elderiniń biri - Shveıtsarııaǵa medıtsına kómegimen ómirmen qoshtasýǵa nıet bildirgender álemniń ár túkpirinen aǵylyp jatyr. Olar kóbinese onkologııalyq dertke shaldyqqandar nemese ortalyq júıke júıesi aýrýynan zardap shegýshiler.
