Shveıtsarııa hokkeıden álem chempıonatyn ótkizýden bas tartty
NUR-SULTAN. QazAqparat - Shaıbaly hokkeıden 2020 jylǵy álem chempıonatyn ótkizbeý týraly sheshim qabyldanǵan soń, Shveıtsarııa hokkeı federatsııasy qaıtadan ótinim berýden bas tartty. Bul týraly halyqaralyq federatsııasynyń resmı saıtynda málim boldy dep habarlaıdy Olympic.kz.
Aıta ketelik, mamyr aıynda Shveıtsarııanyń Lozanna jáne Tsıýrıh qalalarynda ótýi tıis álem birinshiligin koronavırýs indetine baılanysty jospardan alyndy.
Búginde shveıtsarııalyqtar ekonomıkalyq shyǵynnyń artatynyn alǵa tarta otyryp, álemdik dodany 2021 jyly óz elinde ótkizý týraly usynystan bas tartty.
2021 jylǵy álem birinshiligi jospar boıynsha Belarýs elinde ótedi.
