Shveıtsarııa eldiń barlyq azamattaryna aıyna 2500 eýro tóleýge nıetti
ASTANA. QazAqparat - Shveıtsarııada maýsym aıynda barlyq kámelet jasyna jetken azamattarǵa aı saıyn 2,5 myń frank tóleıtin zań qabyldaýy múmkin.
Bul soma qazirgi baǵamǵa shaqqanda, 2,5 myń eýro. Balalarǵa tólem 625 frankty quraıdy. Bul Shveıtsarııada jyl saıyn osyndaı tólemderge 208 mlrd. frank shyǵyndaıtynyn bildiredi. 150 mlrd frankty el bıýdjetinen, al 55 mlrd frankty áleýmettik saqtandyrý qorlarynan alýdy usyndy.
Bul zań jobasy maquldanǵan jaǵdaıda, Shveıtsarııa óz azamattaryna eń tómengi aı saıynǵy tabys usynatyn alǵashqy el bolady, dep atap ótedi Independent.
Demoscope kompanııasy budan buryn shveıtsarlyqtar arasynda zertteý júrgizdi, oǵan 1076 adam qatysty. Olardyń tek 2 paıyzy ǵana eger aı saıynǵy tólem taǵaıyndalsa, jumystaryn tastaýǵa ázir ekendikterin aıtqan. Al 8 paıyzy jumystaryn jalǵastyra ma, joq pa ázirge bilmeıtinderin belgilegen, 56 paıyzy zań jobasy maquldanbaıdy dep sanaıdy.
