Shveıtsarııa bıligi eldegi jalǵyz aıýdy atyp óltirdi
ASTANA. 22 aqpan. QazAqparat - Shveıtsarııa bıligi elde óziniń bıologııalyq túriniń jalǵyz ókili bolyp sanalyp kelgen aıýdy atyp óltirdi, dep jazady sheteldik BAQ-tar.
M13 atty aıý adamdar úshin qaýipti dep tabyldy. Bılik kózderiniń málimdeýinshe, aıýdy óltirýden basqa amal qalmaǵan, sebebi, janýar sońǵy ýaqytta eldi mekenderden kóp kórine bastady. On kún buryn aıý qysqy uıqysynan qaıta oıanyp, turǵyn aýdandardyń mańaıynan baıqaldy. Buǵan deıin M13-ti adamdardan qorqýdy úıretýge áreketter jasaldy, biraq janýar olardy elemedi.
Shveıtsarııada týylǵan sońǵy aıý 1904 jyly óltirildi. HHІ ǵasyrda Italııaǵa Slovenııadan aıýlar ákelindi, keıinnen olardyń urpaqtary Shveıtsarııaǵa ótti. 2006 jyly el adam úshin qaýipti kez kelgen aıý atyp óltiriledi degen jospardy qurdy. Bul aktige sáıkes birneshe janýardyń kózi joıyldy.
M13 alǵash ret 2012 jyldyń sáýirinde baıqaldy. Onyń M12 jáne M14 atty aǵaıyndylary boldy, biraq ekeýin de kólikter qaǵyp ketti. M13 te poıyzben soqtyǵysýynan zardap shekti, biraq tiri qaldy.
