Shveıtsarııa - básekege eń qabiletti el
ASTANA. Qyrkúıektiń 11-i. QazAqparat - Dúnıejúzilik ekonomıkalyq forým jasap otyrǵan básekege qabiletti elderdiń reıtınginde Shveıtsarııa birinshi orynǵa shyǵyp otyr. Odan keıingi oryndarda Shvetsııa men Sıngapýr jaıǵasqan. Al AQSh byltyrǵy birinshi ornynan tórtinshi orynǵa yǵysyp otyr. Esesine, Germanııa jetinshi orynnan besinshige kóterilip, AQSh-pen qatarlasyp qaldy Bul týraly sheteldik buqaralyq aqparat quraldaryna silteme jasap QazAqparat habarlaıdy.
Innovatsııalyq qyzmetiniń joǵarǵy deńgeıiniń jáne ǵylymı zertteýler men patentterdiń kóptiginiń arqasynda Shveıtsarııa reıtıngti bastap otyr, deıdi sarapshylar.
Al Germanııanyń básekege qabilettiligi bıznestiń joǵary ónimdiligi men jaqsy ınfraqurylymnyń arqasynda ósse, AQSh-tyń reıtıngi bıýdjet defıtsıtine baılanysty edáýir tómendep ketip otyr.
Reıtıngilik júıe saıası turaqtylyq, ınfraqurylymnyń damýy, bilim berý jáne densaýlyq saqtaý júıeleriniń tıimdiligi, naryqtyń qamtymdylyǵy jáne tehnologııalardyń damýy sııaqty barlyǵy 12 kórsetkishke negizdelip jasalady.
