Shveıtsarııa bank klıentteriniń málimetterin ashýdan bas tartty
ASTANA. 19 maýsym. QazAqparat - Shveıtsarııanyń tómengi palatasy AQSh salyq organdarynyń talaby boıynsha shveıtsarlyq bankterdiń klıentteriniń aqparatyn ashýyna ruqsat beretin zań jobasyn keıin qaıtardy, dep habarlady Bı-Bı-Sı-diń Orys qyzmeti.
AQSh bul qujatty shilde aıyna deıin qabyldaýdy talap etip otyr. Óıtpegen jaǵdaıda amerıkandyqtar shveıtsarlyq bankterge aıyppul sanktsııalaryn salmaq. AQSh salyq organdaryn aınalyp ótip, aqshany shetelderge jylystatqysy keletin amerıkandyqtardyń esepshotyn ashýǵa múddeli.
Qańtar aıynda Shveıtsarııadaǵy baıyrǵy Wegelin and Co banki amerıkandyq ókimet organdarynan 57 mln. dollardan astam aıyppul alǵannan keıin jabyldy. Sotta bank amerıkandyq klıeentterdiń salyq retinde qazynaǵa túsýge tıisti ondaǵan mıllıon dollaryn jasyrýǵa múmkindik bergeni anyqtaldy.
Shveıtsarııadaǵy parlament sessııasynyń aıaqtalýyna úsh kún qaldy. Sarapshylar bul oqıǵa eleýli saıası daǵdarysqa ushyratady degen boljam jasaýda.
