Shveıtsarııa AES-ten bas tarta bastady
BRıÝSSELЬ. QazAqparat – Shveıtsarııada 47 jyldan beri jumys istep turǵan Mıýlenberg atom elektr stantsııasynń jumysy toqtatyldy.
Osylaısha, eýropalyq el ıadrolyq energetıkadan bas tartý protsesin bastap ketti, dep habarlaıdy QazAqparat tilshisi Reuters agenttigine silteme jasap.
Qýaty 373 megavatt bolatyn stantsııa 1973 jyly ashylǵan. Kórshiles Bern qalasynyń 100 jyl boıy energetıkalyq qajettiligin jaýyp turarlyq qýat óndirip kelgen.
Mıýlenberg AES-y Shveıtsarııanyń bes birdeı atom stantsııasynyń biri. 2017 jylǵy ıadrolyq energetıkadan bas tartý týraly referendýmnan keıin jabylǵan alǵashqy stantsııa bolmaq. Sodan beri memleket kún, jel jáne gıdroenergetıkanyń úlesin barynsha arttyryp keledi.
Shveıtsarııaǵa kórshiles Germanııa atom elektrostantsııasynan 2022 jyly bas tartýy kerek. Sonymen birge, Shveıtsarııa bıligi jańa ıadrolyq reaktorlardy salmaıtynyn, al qalǵan stantsııalardy qyzmet etý ýaqyty aıaqtalǵannan keıin jabatynyn jarııa etti.
Shveıtsarııadaǵy qalǵan elektrostantsııalardyń naqty qashan jabylatyny belgisiz. Áıtse de, jumysyn toqtatatyn kelesi stantsııa – Germanııamen shekaradaǵy 1969 jyly salynǵan Betsnaý bolýy múmkin.
2017 jyly shveıtsarııalyq atom elektrostantsııalary eldegi elektrdiń úshten birin óndirip kelgen. Al elektrdiń 60 paıyzy gıdroelektrostantsııalarǵa tıesili. Al balamaly qýat kózderiniń úlesi – 5 paıyz.
Tımýr Dúısekeev
