Shvetsııaǵa bıyl qysta elektr qýatynyń tapshylyǵy qaýip tóndirýi múmkin

ASTANA. KAZINFORM — Shvetsııa aldaǵy qysta elektr energııasynyń aıtarlyqtaı jetispeýshiligine ushyraýy múmkin. Buǵan strategııalyq rezervtiń bolmaýy sebep — memlekettik Svenska Kraftnät kompanııasy rezervtik qýat kózderin satyp alýdy toqtatýǵa májbúr bolǵan.

AZERTADJ málimetinshe, buǵan deıin rezervtik qýatty Karlshamn qalasyndaǵy maımen jumys isteıtin elektr stantsııasy qamtamasyz etken, alaıda onyń kelisimshartynyń merzimi aıaqtalǵan.

Eýropa Odaǵynyń memlekettik qoldaýǵa qatysty jańa erejeleri kelisimsharttar qunyn shektegen, al berilgen barlyq usynystar osy shekti baǵadan asyp ketken.

Svenska Kraftnät ókilderi eger qatty aıaz bolyp, elektr energııasynyń ımporty azaısa, ýaqytsha jaryqty sóndirýge týra kelýi múmkin ekenin eskertti. Atom elektr stantsııalarynda aqaýlar nemese elektr jelilerinde buzylýlar anyqtalsa, jaǵdaı tipti kúrdelene túsýi múmkin.

Energetıka mınıstri Ebba Býsh bul másele boıynsha Svenska Kraftnät kompanııasymen kelissózder júrgizip jatqanyn jáne qajet bolǵan jaǵdaıda Eýrokomıssııamen de talqylaıtynyn aıtty.

Sotsıal-demokrattar bul jaǵdaıǵa úkimetti kinálap, E. Býshtyń parlament komıtetine esep berýin talap etti.

Sońǵy ret rezervtik qýat naqty 2012 jyly qoldanylǵan bolatyn, al elde áli kúnge deıin májbúrli elektr sóndirý jaǵdaılary bolmaǵan.

Budan buryn Shvetsııada aýyr qylmys jasaǵan balalardy jazalaý máselesi talqylandy.