Shvetsııadan poshta arqyly 500 gramǵa jýyq «gashısh» esirtkisin jibergen kúdikti ustaldy

ASTANA. KAZINFORM - Bas kólik prokýratýrasynyń úılestirýimen Qarjylyq monıtorıng agentigimen QR QK-niń 286-b. 4-b. boıynsha Qazaqstan Respýblıkasynyń shekarasy arqyly esirtki zattaryn zańsyz ótkizý faktisi boıynsha sotqa deıingi tergep-tekserý amaldary bastaldy.

Bul týraly QR Qarjylyq moıtorıng agenttiginiń baspasóz qyzmeti málim etti.

Baspasóz qyzmetiniń habarlaýynsha, qyzmetkerlerdiń halyqaralyq poshta jóneltilimderin baqylaý ýchaskesinde Qarjylyq monıtorıng agenttiginiń Astana qalasy boıynsha departamenti «Qazposhta» AQ-nyń Qaýipsizdik departamentimen birlesip, Shvetsııadan kelgen salmaǵy – 479,94 g., «gashısh» esirtki zaty bar qorap tabyldy.

Kúdikti QR QPK-niń 128-b. tártibinde ustalyp, ýaqytsha ustaý ızolıatoryna qamaldy.

QPK-niń 201-b. talaptaryna sáıkes, sotqa deıingi tergep-tekserýdiń ózge de derekteri tergeý múddesi úshin jarııa etýge jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.

Eske sala keteıik, QMA men «Qazposhta» AQ arasynda yntymaqtastyq týraly memorandýmǵa qol qoıylǵan bolatyn.

Qujat eldegi qarjylyq qylmystarmen kúresý sharalaryn kúsheıtýge jáne poshta jóneltilimderi arqyly qarjylyq operatsııalardyń qaýipsizdigin arttyrýǵa baǵyttalǵan.