Shvetsııada YPG/SDG terrorıstik uıymynyń jaqtastary jas jigitke shabýyl jasady
ASTANA. KAZINFORM — Shvetsııa astanasy Stokgolmde ótken mıtıng kezinde YPG/SDG terrorıstik uıymynyń jaqtastary tártipsizdik uıymdastyryp, bir jas jigitke shabýyl jasady. Bul týraly Anadolý jazdy.
YPG/SDG terrorıstik uıymynyń jaqtastary Stokgolm qalasyndaǵy Sergels Torg alańynda mıtıng ótkizdi.
Áleýmettik jelide jarııalanǵan vıdeoda terrorıstik uıymnyń sımvolıkasy beınelengen matalardy jaıyp qoıǵan toptyń jas jigitke shabýyl jasap jatqan sáti anyq kórinedi.
Terrorıstik uıymnyń jaqtastary oǵan kúsh qoldanǵan.
Oqıǵa ornynda bolǵan shvetsııalyq polıtsııa qyzmetkerleri jaǵdaıǵa aralasyp, jas jigitti oqıǵa ornynan alyp ketken.
Eske sala ketsek, Sırııadaǵy YPG/SDG terrorısteri artqa shegingen kezde tutqyndardy óltirip, ınfraqurylymdy qıratyp ketkenin jazdyq.
Al 11 qańtar kúni AQSh Sırııada Islam memleketi (DAISh, Qazaqstanda tyıym salynǵan - red.) sodyrlarynyń nysandaryna aýqymdy soqqy jasady.