Shvetsııada ushaq kólge qulady: bir adam tabyldy, ekinshisi izdestirilip jatyr

ASTANA. KAZINFORM — Shvetsııanyń Nortele qalasyna jaqyn ornalasqan Lımmaren kólinde oqý-jattyǵý reısin oryndap júrgen shaǵyn jeke ushaq apatqa ushyrady, dep habarlaıdy AZERTADJ.

Ushaq erikti avıatsııalyq korpýstyń ushýyna qatysqan.

Áýe kemesi sý astynan, Roslagen aerodromynyń mańynan tabyldy — dál sol jerde ol qonýy tıis bolǵan. Ushaq bortynda eki adam bolǵan. Olardyń biri ushaq ishinen tabylyp, ony shyǵarý jumystary júrgizilip jatyr. Ekinshi adamnyń qaıda ekeni belgisiz — ony izdestirý jalǵasýda.

Oqıǵa ornynda aýqymdy qutqarý operatsııasy júrip jatyr. Jumysqa polıtsııa, órt sóndirý-qutqarý qyzmeti, súńgýirler men teńiz qutqarý qyzmeti jumyldyrylǵan.

Aımaqtyq erikti avıatsııalyq korpýs basshysy Per Vınbergtiń aıtýynsha, apat oqý-jattyǵý ushýy kezinde bolǵan. Ol ushýǵa birneshe ushaq qatysqan. Apattyń naqty sebepteri ázirge belgisiz.

Kýágerlerdiń aıtýynsha, qular aldynda ushaq aerodrom ústinde birneshe ret aınalyp ushqan.

Osydan buryn Shvetsııada tramvaı apaty saldarynan segiz adam jaraqat alǵanyn jazǵanbyz.