Shvetsııada tas kúzenin joıý operatsııasy bastaldy

ASTANA. KAZINFORM — Shvetsııada mıllıardtaǵan kron shyǵyn keltirýi múmkin ınvazııalyq tas kúzenine (kamenka) qarsy kúres baǵdarlamasy qaıta iske qosyldy, dep habarlaıdy AZERTADJ.

Agenttik atap ótkendeı, bul janýar syrttaı zııansyz kóringenimen, kóbine kólikter men úılerge kirip, kabelderdi, ishki árleý jabdyqtaryn búldirip, aıtarlyqtaı zalal keltiredi. Sonymen qatar, ol jergilikti faýnaǵa, ásirese qustarǵa úlken qaýip tóndiredi.

Bul jobanyń iske asýy buǵan deıin qarjylandyrýdyń jetispeýshiligine baılanysty toqtatylǵan edi. Alaıda bıyl Shvetsııa úkimeti ınvazııalyq túrge qarsy kúresti jalǵastyrý týraly sheshim qabyldady. Qazirgi ýaqytta jumys eldiń ońtústik bóliginde belsendi júrgizilip jatyr.

Invazııalyq túrlermen kúres jobasynyń jetekshisi Per-Arne Olenniń aıtýynsha, eger bul kúzen túriniń sanyn shektemese, el ınfraqurylymynyń ártúrli sektorlaryna aıtarlyqtaı shyǵyn kelýi múmkin.

Tas kúzen alǵash ret Shvetsııada 2018 jyly tirkelgen. Onyń tabıǵı mekeni – Eýropanyń ońtústik óńirleri.

Budan buryn Shvetsııada ishek ınfektsııasy órship turǵany habarlandy. Campylobacter bakterııasy 200-den astam adamǵa juqqan.