Shvetsııada salmaǵy 672 tonna bolatyn shirkeý jańa orynǵa kóshiriledi

ASTANA. KAZINFORM – Shvetsııanyń Kırýna qalasynda 1912 jyly salynǵan shirkeý ǵımaraty tolyqtaı basqa jerge kóshiriledi. Salmaǵy 672 tonna bolatyn nysan alyp dóńgelekti platformaǵa qoıylyp, bes shaqyrym jol júrip ótedi, dep habarlaıdy VVS.

Mamandardyń aıtýynsha, kóshirý jumystary eki kúnge sozylady, sebebi protsessııa eń kóbi saǵatyna 500 metr jyldamdyqpen qozǵalady.

113 jyldyq tarıhy bar shirkeýdi kóshirý qajettiligi bir ǵasyrdan astam ýaqyt boıy júrgizilip kele jatqan temir rýdasyn óndirý saldarynan jerdiń otyrý qaýpi týyndaǵandyqtan paıda boldy.

Ǵımarattyń bıiktigi – 35 metr, eni – 40 metr. Salmaǵy 672 tonna shirkeý 1950 jylǵa deıingi kezeńde salynǵan Shvetsııadaǵy eń ádemi ǵımarat dep tanylǵan.

Salynyp beri ol Shvetsııanyń qıyr soltústiginiń sımvolyna ári basty kórikti ornyna aınalǵan. Kırýna qalasy Polıar sheńberinen 145 shaqyrym soltústikte ornalasqan.

Aıta keteıik, Notr-Dam shirkeýine kirý aqyly bolýy múmkin.