Shvetsııada oq-dári tıelgen poıyz relsten shyǵyp ketti

ASTANA. KAZINFORM - Shvetsııanyń Vesternorrland qalasynyń soltústiginde nóser jaýyn saldarynan oq-dári tıelgen poıyz relsten shyǵyp ketti, dep habarlaıdy BELTA.

— Qazir birneshe vagon Ernsheldsvık mańyndaǵy jol boıynda jatyr. Shvetsııa kólik basqarmasynyń málimetinshe, joldy qalpyna keltirýge birneshe apta qajet, — dep habarlaıdy SVT.

Shvetsııa kólik ákimshiliginiń ókili Pıter Ionsson vagondarda oq-dáriler men lıtıı batareıalary bar ekenin málimdedi.

Qaýipti materıaldar tótenshe jaǵdaılar qyzmetine tapsyrylady, sodan keıin mamandar tazartyp, zalal kólemin baǵalaıdy.

Osyǵan deıin Shvetsııada ushaq kólge qulaǵany týraly jazdyq. 

Ushaq erikti avıatsııalyq korpýstyń ushýyna qatysqan.