Shvetsııada NATO Syrtqy ister mınıstrleriniń otyrysy aıaqtaldy
ASTANA. KAZINFORM — 21-22 mamyr kúnderi Shvetsııanyń Helsıngborg qalasynda NATO elderiniń syrtqy ister mınıstrleriniń kezdesýi ótti, dep habarlaıdy Kazinform agenttiginiń EO-daǵy menshikti tilshisi.
Bul Shvetsııanyń 2024 jylǵy naýryzda Alıansqa qosylǵannan keıin qabyldaǵan alǵashqy osyndaı deńgeıdegi is-sharasy boldy.
Kezdesýge NATO Bas hatshysy Mark Rıýtte jetekshilik etti. Sammıtke Alıanstyń 32 múshesi elderdiń syrtqy ister mınıstrleri, sonyń ishinde AQSh Memlekettik hatshysy Marko Rýbıo qatysty.
Mınıstrler 2026 jylǵy 7–8 shildede Ankarada josparlanǵan tolyq masshtabty NATO sammıtine daıyndyq máselelerine basty nazar aýdardy.
Negizgi máselelerge qorǵanys shyǵyndaryn kóbeıtý, 2025 jylǵy Gaaga sammıtinde qabyldanǵan mindettemelerdi oryndaý, negizgi odaqtastar úshin JІÓ-niń 5%-yn qorǵanysqa bólý maqsatyna kóshý, qarý-jaraq óndirisin arttyrý jáne Alıanstyń qorǵanys-ónerkásiptik bazasyn nyǵaıtý kirdi.
Mınıstrler sondaı-aq Taıaý Shyǵystaǵy jaǵdaı men energetıkalyq qaýipsizdik máselelerin talqylady.
Osyǵan deıin Frantsııa NATO-nyń Ormýz buǵazyndaǵy mıssııaǵa qatysý múmkindigin joqqa shyǵarǵany týraly jazdyq.
