Shvetsııada murajaı bıletteri qymbattap jatyr

ASTANA. KAZINFORM — 2023 jyly Shvetsııada memlekettik murajaılarǵa tegin kirý reformasynyń kúshi joıylǵannan keıin kelýshiler sany kúrt azaıdy, dep habarlaıdy AZERTADJ.

2025 jyly 32 ortalyq murajaıdyń kópshiligi bılet baǵasyn kóterdi. Qazirgi ýaqytta bılettiń ortasha quny 160 shved kronasyn (shamamen 15 dollar) quraıdy.

Eń qymbat murajaı — bastapqyda tegin kirý baǵdarlamasyna kirmegen ashyq aspan astyndaǵy Skansen murajaıy jáne zoobaǵy sanalady. Munda bılet quny maýsymǵa baılanysty 220-dan 285 kronǵa deıin (20-dan 26 dollarǵa deıin) qubylyp otyrady. Murajaı basshylyǵynyń sózinshe, Skansen 300 000 m² aýmaqty alyp jatyr, onyń ishinde murajaı, zoobaq pen is-sharalar alań bar. Bul rette memlekettik qarjylandyrý shyǵyndarynyń az ǵana bóligin ǵana jabatyn kórinedi.

— Skansendi barshaǵa ashyq murajaı retinde ustaǵymyz keledi. Biraq jóndeý jumystaryn júrgizbese, bári qıraı bastaıdy. Balalarǵa tegin kirý múmkindigin qýana berer edik, biraq ekonomıkalyq jaǵdaıǵa baılanysty ruqsat etilmeıdi, — deıdi Skansen ókilderi.

Buryn tegin kirý múmkindigi usynǵan murajaılar arasynda Ekonomıkalyq jáne Tarıhı murajaılarda, sondaı-aq Qarý-jaraq palatasynda baǵalar aıtarlyqtaı ósti. Bılet quny 150 kronnan 180 kronǵa (14-ten 17 dollarǵa) deıin kóterildi. Bulardyń barlyǵy «Memlekettik tarıhı murajaılar» qurylymyna kiredi, onda baǵa saıasaty kınoteatrlardy qosa alǵanda, mádenı is-sharalardyń jalpy baǵa deńgeıi men operatsııalyq shyǵyndardyń ósýine baılanysty qaıta qaraldy.

Degenmen, ArkDes sáýlet jáne dızaın murajaıy sııaqty keıbir murajaı kirý aqysyn alyp tastady. Memlekettik murajaılar basshylyǵynyń aıtýynsha, qazir kelýshiler sany eki ese artty.

Osydan buryn Shvetsııada kúzen ósirý toqtatylǵany habarlandy.