Shvetsııada mektep reformasy: daıyndyq synyptary joıylyp, on jyldyq oqý engiziledi
ASTANA. KAZINFORM – Shvetsııa parlamenti on jyldyq bastaýysh mektepke kóshý týraly sheshim qabyldady.
AZƏRTAC agenttiginiń habarlaýynsha, 2026 jyldan bastap mektepke deıingi (daıyndyq) synyp joıylyp, onyń ornyna biryńǵaı jalpy bilim berý júıesiniń quramyndaǵy birinshi synyp engiziledi.
Shvetsııanyń bilim mınıstri Lotta Edholm bul reformanyń maqsaty neǵurlym tutas ári teń quqyly mektep júıesin qurý ekenin aıtty. Onyń aıtýynsha, qazirgi tańda daıyndyq synyptarynda balalardyń daıyndyq deńgeıi ártúrli, bul birinshi synyptaǵy bastapqy teńsizdikke áser etedi.
Reformany oppozıtsııadaǵy Sotsıal-demokratııalyq partııa da qoldap otyr, alaıda olar oıyn arqyly oqytýdy saqtaý men oqytýdy balalardyń jas erekshelikterine beıimdeýdiń mańyzdylyǵyn atap ótedi. Sonymen qatar, olar bastaýysh synypta sabaq berýge pedagogıkalyq bilimi joq tárbıeshilerdi qaıta oqytýdy talap etip otyr.
2023 jylǵy derekterge sáıkes, tárbıeshilerdiń nebári 35 paıyzy ǵana oqý, jazý jáne sanaý boıynsha biliktilikti arttyrý kýrstarynan ótken.
Sarapshylar akademııalyq baǵytqa kóshý barysynda erte jastaǵy bilim berýde mańyzdy pedagogıkalyq qural bolatyn oıyn tásiliniń joǵalyp ketý qaýpi bar ekenin eskertip otyr.
Aıta ketelik Qazaqstan mektepterine oqýshylardy kásiptik baǵdarlaýǵa arnalǵan jańa tsıfrlyq qural engizilmekshi.