Shvetsııada kúzen ósirý toqtatyldy
ASTANA. KAZINFORM — Shvetsııadaǵy qalǵan 27 kúzen fermasynyń barlyǵy óz qyzmetin toqtatý týraly sheshim qabyldady.
AZƏRTAC agenttiginiń habarlaýynsha, fermerler 2025 jylǵy 30 maýsymǵa deıin kúzen ósirýdi toqtatatyndarǵa arnalǵan memlekettik ótemaqyny alý úshin ótinish berdi.
Jalpy ótemaqy somasy 180 mıllıon shved krony (shamamen 17 mıllıon AQSh dollary) jáne ol ósirilgen analyq janýarlardyń sanyna baılanysty bólinedi.
Buǵan deıin Shvetsııa úkimeti teri úshin janýar ósirýge tyıym salý múmkindigine qatysty tergeý bastaý týraly bastama kótergen edi. Alaıda salanyń ózi nátıjesin kútpeı, óz erkimen jumysyn toqtatýǵa sheshim qabyldady.
Svensk Mink uıymynyń dırektory Iorgen Martınssonnyń aıtýynsha, jańa fermalar ashý bolashaqta múmkin emes kórinedi.
Salalyq uıymnyń ózi de taratý protsesinde, biraq ótemaqy tólemderi tolyq aıaqtalǵanǵa deıin jumysyn jalǵastyrady.
Aıta ketelik Shvetsııa jastary derbes ómirge daıyn emes ekendigi týraly jazǵan edik.