Shvetsııada qarttardy aldaý oqıǵalary jıilep, zalaly mıllıardtarǵa jetti

ASTANA. KAZINFORM -  Stokgolmde qart adamdardyń úılerine túrli syltaýmen kirip, qundy zattaryn urlaý jaǵdaılary jıilep barady, dep habarlaıdy AZERTADJ. 

Polıtsııa dereginshe, mundaı qylmystardan túsken «paıda» esirtki saýdasynan eki ese artyq bolyp, mıllıardtaǵan shved kronyna jetedi. 2024 jyly alaıaqtyq qylmystardyń jalpy aınalymy 6,3 mlrd kron (600 mln dollardan astam) boldy.

Kóbine qylmyskerler jábirlenýshilerge qońyraý shalyp nemese habarlama jiberip, ózderin polıtseı ne uıym qyzmetkeri retinde tanystyrady. Olar «múlikti qorǵaý» qajettiligine sendirip, aldyn ala daıyndalǵan stsenarıı men psıhologııalyq qysymdy qoldanady, adamnyń senimine kirip, sheshim qabyldaýǵa ýaqyt bermeıdi.

— Dál osylaı qylmystyq jeliler tabysynyń basym bóligin tabady. Keıin bul qarajat basqa qylmystyq shemalarǵa, mysaly, esirtki saýdasyna salynyp, odan túsken paıda da qylmystyq áreketterge jumsalady, — dep túsindirdi polıtsııa ókilderi.

2025 jyldyń basynan beri mundaı qylmys týraly aryzdar qaıta kóbeıgen, apta saıyn shamamen 30 shaǵym túsedi, olardyń basym bóligi alaıaqtyq áreketterge qatysty.

Shvetsııa polıtsııasy kúmándi SMS habarlamalardaǵy nómirlerge qaıta qońyraý shalmaýǵa, beıtanys adamdardy úıge kirgizbeýge jáne olarǵa qundy zattardy bermeýge shaqyrady. 

Aıta ketelik elde bıyl 14 myńnan astam ınternet-alaıaqtyq tirkeldi.