Shvetsııada eńbek naryǵyn teńestirý úshin kóshýge járdemaqy engizilýi múmkin
ASTANA. KAZINFORM – Shvetsııa úkimeti óńirler arasyndaǵy eńbek naryǵyndaǵy teńsizdikti azaıtý maqsatynda jańa kóshý járdemaqysyn engizýdi josparlap otyr, dep habarlaıdy Azertadj.
Bastama eldegi jaǵdaıdyń ózgerýimen baılanysty: keıbir aımaqtarda jumyssyzdyq joǵary bolsa, endi birinde jumys kúshi jetispeıdi. Buryn jumys izdegender soltústikten ońtústikke qonys aýdarsa, qazirgi tańda jańa ındýstrııalandyrý nátıjesinde kerisinshe, soltústik óńirlerde kadr tapshylyǵy baıqalady.
Mysaly, Norrbotten aımaǵynda jumyssyzdyq deńgeıi 3,8% bolsa, Skone óńirinde bul kórsetkish 8,8%-ǵa jetken.
Eńbek mınıstri Iohan Brıtts halyqtyń mobıldiligin arttyrý qajet ekenin atap ótti. Onyń aıtýynsha, kóptegen azamat basqa óńirdegi jumysqa kóshý shyǵyndaryna baılanysty bara almaıdy. Jańa járdemaqy jalpy sıpatta bolady jáne tek soltústikke kóshýge ǵana baǵyttalmaıdy.
Alaıda sarapshylar bul sharanyń tıimdiligine kúmán keltiredi. Ýppsala ýnıversıteti zertteýshileriniń pikirinshe, adamdardyń kóbi qarjylaı qoldaýsyz-aq qonys aýdarady, sondyqtan mundaı baǵdarlamalardy naqty maqsatty túrde júzege asyrý qıyn.
Qazirgi tańda úkimet Jumyspen qamtý qyzmetine tıimdi model ázirleýdi tapsyrdy. Naqty usynystardy kelesi jyldyń basynda usyný josparlanyp otyr.
Aıta ketelik Shvetsııada azyq túlik pen janarmaı qymbattap jatyr.
