Shvetsııada bıleýshi partııalar áıelderdiń qoldaýynan aıyrylyp jatyr

ASTANA. KAZINFORM — Shvetsııadaǵy Statıstıka basqarmasynyń (SCB) sońǵy saýalnamasyna sáıkes, búgingi tańda áıelderdiń shamamen 64 paıyzy oppozıtsııalyq partııalardy — sotsıal-demokrattar, Solshyl partııa, «jasyldar» jáne tsentrısterdi qoldaıdy, dep jazady AZERTADJ.

Agenttik málimetinshe, bul — sońǵy on jyldaǵy rekordtyq kórsetkish. Sonymen qatar, áıelder arasyndaǵy bıleýshi Tıde koalıtsııasyna (Shved demokrattary, Hrıstıan demokrattar jáne Lıberaldar) degen qoldaý 35 paıyzǵa deıin tómendegen.

Elektorattaǵy genderlik aıyrmashylyq Tıde úkimeti bılikke kelgennen keıin kúrt arta túsken. Áıelder solshyl kúshterdi jıi tańdasa, er adamdar ońshyl partııalarǵa kóbirek daýys berýde. Degenmen, erler arasyndaǵy ońshyldarǵa qoldaý da azdap tómendegen: erlerdiń shamamen 50 paıyzy bıleýshi koalıtsııany, al 47 paıyzy oppozıtsııany qoldaıdy.

Saıasattanýshylar áıelderdiń ońshyl partııalardan teris aınalýyn olardyń ekologııalyq saıasatyna, shyǵaryndylardyń kóbeıýine jáne áleýmettik máselelerge basymdyq bermeýimen baılanystyrady. Sonymen qatar, áıelder arasynda sotsıal-demokrattar usynǵan jumys ýaqytyn qysqartý ıdeıasy keń qoldaýǵa ıe bolǵan.

Eger qazirgi úrdis saqtalsa, 2026 jylǵy saılaýda áıelder men erler arasyndaǵy daýys berý aıyrmashylyǵy 2018 jáne 2022 jyldardaǵydan da aıqyn bolmaq.

Budan buryn habarlanǵandaı, Shvetsııa jahandyq dollarlyq mıllıonerler reıtınginde pozıtsııasyn joǵaltyp keledi.