Shvetsııada bıyl alǵash ret azyq-túlik baǵasy tómendedi

STOKGOLЬM. KAZINFORM — 2025 jylǵy tamyz aıynda Shvetsııada azyq-túlik baǵasy shilde aıymen salystyrǵanda 0,7 paıyzǵa tómendedi, dep jazdy AZƏRTAC.

AZƏRTAC habarlaǵandaı, bul týraly eldiń Ortalyq statıstıkalyq bıýrosy (SCB) málimdedi. Degenmen, jyldyq kórsetkish boıynsha azyq-túlik baǵasy 4,7 paıyzǵa qymbattaǵan, bul elektr energııasy baǵasynyń ósýimen qatar ınflıatsııanyń negizgi faktorlarynyń biri bolyp otyr. Ásirese, sút ónimderi, táttiler, balmuzdaq pen shokolad baǵasy aıtarlyqtaı artqan.

Tutyný baǵalary ındeksi (CPI) boıynsha ınflıatsııa tamyz aıynda 3,2 paıyzdy qurady (shilde aıynda – 3,0 paıyz). Alaıda energııa resýrstaryn eseptemegende, bul kórsetkish 2,9 paıyzǵa deıin tómendegen.

Shvetsııanyń Ortalyq banki – Riksbank, ınflıatsııany CPI boıynsha 2 paıyzdyq maqsatty deńgeıde ustaýǵa umtylyp otyr.

Eske sala keteıik, buǵan deıin Shvetsııa jumys isteıtinder men otbasylarǵa iri salyqtyq jeńildikter engizetinin jazǵan edik.