Shvetsııada 6 keliden astam ortaǵasyrlyq kúmis buıymdar tabyldy

STOKGOLЬM. KAZINFORM — Stokgolm mańynda salmaǵy alty kılogramnan asatyn iri kúmis qazyna kezdeısoq tabyldy, dep jazdy AZERTADJ.

Bul qazynany tapqan adam jaı ǵana jazǵy úıiniń janynan qurt izdep júrgen kezinde qymbat buıymdarǵa tap bolǵan.

Qazyna XII ǵasyrǵa jatady jáne onyń quramynda 20 000-ǵa deıin moneta, sondaı-aq saqınalar, monshaqtar men alqalar bar. Tabylǵan buıymdardyń kóbisi sırek kezdesedi jáne jaqsy saqtalǵan.

Mamandardyń aıtýynsha, bul — Shvetsııada tabylǵan erte ortaǵasyrlyq asa iri kúmis qazynalardyń biri.

Arheologtar endi bul oljany zerttep, tirkeý jumystarymen aınalysady. Mádenı mura týraly zańǵa sáıkes, memleket bul qazynany tapqan adamnan satyp alýy tıis. Óz kezeginde, tapqan adam eleýli aqshalaı syıaqy ala alady.

Eske sala keteıik, buǵan deıin Shvetsııada kópbalaly otbasylarǵa tólenetin járdemaqylar qysqaratynyn jazǵan edik.