Shvetsııa premer-mınıstri qyzmetinen otstavkaǵa ketti
ASTANA.KAZINFORM – Shvetsııa premer-mınıstri, lıberal-konservatıvtik Ýmerender partııasynyń jetekshisi Ýlf Krıstersson saılaýda jeńilgennen keıin qyzmetinen otstavkaǵa ketti, dep habarlaıdy VVS.
Jańa úkimetti sotsıal-demokrat Magdalena Andersson bastaǵan tórt solshyl jáne solshyl-tsentrıstik partııa qurýǵa tyrysady.
Ýlf Krıstersson beısenbi kúni tańerteń H áleýmettik jelisinde otstavkaǵa ketetinin jarııalady.
Buǵan deıin jeksenbide ótken daýys berýdiń aldyn ala nátıjeleri jarııalandy. Oǵan sáıkes, oppozıtsııalyq solshyl bloktyń partııalary nebári 50 myń daýys aıyrmashylyǵymen saılaýda jeńiske jetken. Shvetsııa halqynyń sany shamamen 10,6 mıllıon adam.
Aldyn ala esep boıynsha, Magdalena Andersson bastaǵan Sotsıal-demokratııalyq partııanyń solshyl blogy 349 orynnan turatyn Shvetsııa parlamenti – Rıksdagta 176 mandat alady. Bul eń tómengi kópshilik sheginen nebári bir mandatqa artyq.
Ortalyqtan oń jaqtaǵy partııalar jalpy 173 mandatqa ıe bolady.
Daýystardy sanaý jeksenbidegi saılaýdan keıin birden bastalǵanymen, áli aıaqtalǵan joq. Tek sársenbi kúni keshigip kelgen merziminen buryn daýys berý bıýlletenderi, sondaı-aq saılaý kúni jáne odan keıin jetkizilgen sheteldegi saılaý ýchaskeleriniń bıýlletenderi sanala bastady. Saılaýdyń túpkilikti nátıjeleri demalys kúnderi jarııalanady dep kútilýde.
Eske sala keteıik, Shvetsııa parlamenti – Rıksdagta 349 oryn bar. Kópshilikke ıe bolý úshin 175 mandat qajet. Sonymen qatar óńirlik jáne mýnıtsıpaldyq keńesterdiń depýtattary da saılanady.
