Shvetsııa mıgranttardy eline qaıtarý úshin 32 myń eýro tóleıdi

ASTANA. KAZINFORM - Shvetsııa premer-mınıstri Ýlf Krıstersson mıgranttardy eline qaıtarý úshin bólinetin kómek kólemin 900 eýrodan 32 000 eýroǵa deıin arttyrýdy josparlap otyrǵanyn aıtty, dep habarlaıdy euronews.com.

— Mıgratsııany baqylaý óte qajet, - dedi Krıstersson.

Shvetsııa premer-mınıstriniń aıtýynsha, elden ketýge qarjylyq yntalandyrýdy arttyrý keıbir máselelerdi sheshýge kómektesedi. Basylymnyń jazýynsha, qazir járdemaqy kólemi eresekter úshin 900 eýrony quraıdy.

Krısterssonnyń aıtýynsha, bul bıýdjettik yntalandyrý kútiletin nátıjelerdi bermedi. 2023 jyly 70 ótinimniń bireýi ǵana maquldandy. Sondyqtan Shvetsııa úkimeti 2026 jyldyń 1 qańtarynan bastap qarjylyq yntalandyrýdy 3400%-ǵa arttyrýdy josparlap otyr.

— Biz negizinen Danııa úlgisin kóshirip jatyrmyz jáne óz otanyna oralǵysy keletin, ártúrli sebeptermen Shvetsııada tolyqqandy ómir súre almaıtynyn sezinetinderge qoldaý kólemin aıtarlyqtaı arttyramyz, - dedi Krıstersson.

Shvetsııa premer-mınıstriniń aıtýynsha, bul ádis eldiń barlyq turǵyndaryna unamaýy múmkin.

—Meniń oıymsha, bul ádis kóp adamdar úshin tıimdi bolady dep oılamaımyn, degenmen bizde ıntegratsııa máselesi bar jáne eger Shvetsııada turýǵa zańdy quqyǵy bar, biraq negizinen ıntegratsııalanbaǵan adamdar bizdiń ómir saltymyzdy baǵalamasa, olar, eń bolmaǵanda, óz otandaryna oralý týraly oılanýy kerek, - dedi Krıstersson.

Eske sala keteıik, Shvetsııa jastary derbes ómirge daıyn emes.