Shvetsııa qylmystyq jaýapkershilik jasyn tómendetedi
ASTANA.KAZINFORM - Bul týraly eldiń premer-mınıstri Ýlf Krıstersson málimdedi. Bul shara qylmystyq toptar men bandalardyń balalardy aýyr qylmysqa paıdalanýyna baılanysty qabyldandy, dep habarlaıdy Kazinform agenttiginiń tilshisi.
Ý.Krıstersson qylmystyq toptardyń áleýmettik jeliler arqyly balalardy óz qataryna qosyp, kıller retinde paıdalanatyn jaǵdaılary kóbeıgennen keıin qylmystyq jaýapkershilik jasyn 15 jastan qysqartqanyn habarlady.
Shved derekterine sáıkes, 2024 jyldyń birinshi jartyjyldyǵynda kisi óltirýge, kisi óltirýge kómektesýge nemese óltirýge oqtalýǵa kúdikti 15 jasqa deıingi balalardyń sany 93 adamdy qurady, bul ótken jyldyń sáıkes kezeńimen salystyrǵanda úsh ese kóp.
– Qylmystyq toptar balalardy aıamastan, aýyr qylmystarǵa paıdalanady. Balalar men olardyń áleýetti qurbandaryn qorǵaý úshin úkimet mundaı aqymaqtyqqa qarsy qatań sharalar qabyldap jatyr, - dedi Krıstersson.
Osyǵan deıin Meksıka bıliginiń qatygez vıdeoıyndarǵa salyq engizýdi josparlap otyrǵany týraly jazdyq.