Shvetsııa Irandaǵy dıplomatııalyq mıssııasyn Bakýge ýaqytsha kóshirdi
ASTANA. KAZINFORM — Shvetsııa Irandaǵy qaýipsizdik jaǵdaıynyń kúrt nasharlaýyna baılanysty dıplomatııalyq qyzmetkerlerin evakýatsııalaý týraly sheshim qabyldady, dep habarlaıdy Kazinform agenttiginiń Bakýdegi menshikti tilshisi.
Bul týraly X áleýmettik jelisindegi paraqshasynda Shvetsııanyń syrtqy ister mınıstri Marııa Malmer Stenergard málimdedi.
Med hänsyn till det försämrade säkerhetsläget i Iran har UD beslutat att tillfälligt omlokalisera Sveriges utsända vid ambassaden i Teheran. Ambassaden är fortsatt verksam från Baku.
— Maria M Stenergard (@MariaStenergard) March 16, 2026
Säkerhetssituationen i Teheran förblir mycket osäker. ⁰⁰UD har haft en avrådan från alla resor…
Mınıstrdiń aıtýynsha, qazirgi jaǵdaıda shved dıplomatııalyq ókildigi óz jumysyn Ázerbaıjan astanasynan jalǵastyrady.
— Irandaǵy qaýipsizdik jaǵdaıynyń nasharlaýyna baılanysty Syrtqy ister mınıstrligi Tegerandaǵy Shvetsııa elshiliginiń qyzmetkerlerin ýaqytsha kóshirý týraly sheshim qabyldady. Elshilik óz jumysyn Bakýden jalǵastyrady. Tegerandaǵy qaýipsizdik jaǵdaıy áli de óte belgisiz kúıde qalyp otyr. Shvetsııa Syrtqy ister mınıstrligi 2022 jyldan beri azamattaryna Iranǵa barýdan bas tartýdy usynyp keledi jáne elde júrgen shved azamattaryn elden ketýge shaqyrady, — dedi mınıstr.
Shvetsııanyń Syrtqy ister mınıstrligi azamattarǵa Iran aýmaǵyna barmaý týraly usynystyń áli de kúshinde ekenin eske saldy. Al elde júrgen azamattarǵa evakýatsııalaý úshin qajetti sharalardy qabyldaý usynyldy.
Buǵan deıin Grekııa men Nıderland ta Irandaǵy dıplomatııalyq ókildikteriniń jumysyn Bakýge ýaqytsha kóshirý týraly sheshim qabyldaǵanyn habarlaǵan.
