Shvetsııa densaýlyq saqtaý mınıstri baspasóz konferentsııasy kezinde esinen tanyp qaldy

ASTANA. KAZINFORM – Oqıǵa densaýlyq saqtaý mınıstri Elızabet Lannnyń qyzmetine kiriskennen keıin birneshe saǵattan soń ótkizilgen alǵashqy baspasóz máslıhaty kezinde boldy, dep habarlaıdy The Economic Times.

Ulttyq úkimettegi kadrlyq ózgeristerge arnalǵan brıfıngide Lannan basqa Shvetsııa premer-mınıstri men eki mınıstr qatysqan.

Seısenbide tilshilermen áńgimelesý barysynda jańadan taǵaıyndalǵan densaýlyq saqtaý mınıstri kenetten esinen tanyp, qulap qaldy. Atalǵan jaǵdaıdan keıin Lanndy zaldan qoltyqtap alyp shyqty. Alaıda ol birneshe mınýttan keıin oraldy.

– Bul qandaǵy qanttyń tómendegeninen bolýy múmkin, - dep túsindirdi Lann óziniń esinen tanyp qalýyn. 

Buǵan deıin tsýnamı týraly eskertý Jańa Zelandııa parlamentiniń jumysyn toqtatýǵa sebep bolǵanyn jazǵan bolatynbyz.