Shvedtik syryqpen sekirýshi Arman Dıýplantıs óziniń 13-shi álemdik rekordyn ornatty

ASTANA. KAZINFORM — Arman «Mondo» Dıýplantıs Býdapeshtte 6,29 metrge sekirip, 13-shi ret álemdik rekord ornatty, dep jazdy AZERTADJ.

«Mondonyń» joly 2020 jyldyń aqpanynda bastaldy: ol Polshanyń Torýne qalasynda 6,17 m nátıjemen bala kúngi kýmıri Reno Lavıllenıdiń segiz jyl boıy ózgermegen rekordyn jańartty.

— Men bul nátıjemdi Renoǵa arnaımyn, ol bolmasa, men mundaı bıiktikti baǵyndyrmas edim, — dedi ol.

Budan bar bolǵany bir apta ótken soń, 20 jastaǵy sportshy óz nátıjesin taǵy 1 sm-ge jaqsartyp, Shotlandııanyń Glazgo qalasyndaǵy qysqy týrnırde 6,18 metrge sekirdi.

2022 jyly Dıýplantıs úsh márte jańa rekord ornatyp (6,19 m, 6,20 m, 6,21 m), jabyq jáne ashyq alańdaǵy álem chempıonattarynda altyn medal jeńip aldy.

2023 jyly ol Lavıllenıdiń týrnırinde 6,22 m bıiktikti baǵyndyryp, keıin ıÝdjınde 6,23 m kórsetkishke jetti.

2024 jyl erekshe boldy: sáýir aıynda — 6,24 m, Parıjdegi Olımpıada fınalynda — 6,25 m, al úsh aptadan keıin Katovıtsede — 6,26 m.

2025 jyly ol eki ret rekord ornatty: Klermon-Ferranda — 6,27 m jáne Stokgolmde — 6,28 m. Bul jetistigin ol Olımpıada altynyna teńedi.

Al mánerlep syrǵanaýshy Sofıa Samodelkına AQSh-taǵy týrnırde jeke rekordyn jańartqan edi.