Shvedtik kompanııa túrli áýen oınaýǵa bolatyn dastarhan oılap tapty
ASTANA. QazAqparat - Álemde talaı qyzyq bar. Shvetsııada jasalǵan kádimgi dastarhan mýzykalyq aspapty almastyra alady, dep jazady 24.kz.
ıAǵnı ústel basynda as iship otyryp, pıanınoda oınaýǵa nemese baraban tartýǵa bolady. Oıly ónertapqyshtar keleshekte munymen ǵana shektelmek emes. Shvedtik kompanııa túrli áýen oınaýǵa bolatyn dastarhan oılap tapty. Oǵan sensorly pıanıno men baraban ornatylǵan. Bul jańashyldyq ádette aıtylatyn «Nan bolsa, án de bolady» degendi is júzinde qýattaı túskendeı.
Mets Iohansson, «Aqyldy toqyma» kompanııasynyń qyzmetkeri - Pıanıno men barabandar toq ótkizetin matadan jasalyp, dastarhannyń astaryna qosa tigildi. Negizi bul tehnologııa toqyma ónerkásibinde burynnan qoldanylyp keledi.
Ónertapqyshtar dastarhanǵa bekitilgen pıanıno men barabannyń áli tolyq jetilmegenin aıtady. Biraq olar zamanaýı toqyma jabdyǵynyń keleshekte ár shańyraqta bolatynyna senimdi.
Lı Gýo, «Aqyldy toqyma» kompanııasynyń qyzmetkeri: - Adamǵa eń kerek nárse - kıim-keshek. Biz onsyz ómir súre almaımyz. Kıimdi ártúrli ádispen tutynyp, tipti oǵan sensorlar men qurylǵy-tetikter ornatýǵa bolady. Aldaǵy ýaqytta jańa tehnologııamen tigilgen jeıdeler shyǵyp jatsa, tańqalmańyz.
Ónertapqyshtardyń aıtýynsha, kıimge júrek qaǵysy men dene temperatýrasyn ólsheıtin qural bekitýge bolady. Soǵan qaraǵanda úıińizde jeke dáriger paıda bolatyn ýaqyt alys emes sııaqty.
