Shvedter aǵylshyn tilin bárinen jaqsy meńgergen
ASTANA. 11 qarasha. QazAqparat - Shvedter aǵylshyn tilin bilý deńgeıi jaǵynan ekinshi jyl qatarynan álemde aldyńǵy orynda keledi. Zertteýshilerdiń atap ótkenindeı aǵylshyn tiliniń tanymal bolýynyń negizgi sebepteriniń biri, shved oqýshylary ony «eń ozyq til» dep sanaıdy.
Til týraly saýalnamaǵa álemniń 60 elinen 750 myńdaı adam qatysqan. Nátıjesinde aldyńǵy oryndardy skandınavtyq memleketter ıemdengen. Shvetsııadan keıin Norvegııa, Nıderlandy, Estonııa, Danııa, Avstrııa jáne Fınlıandııa elderi keledi.
Shvedterdiń aǵylshyn tilin jaqsy bilýiniń birneshe sebepteri bar. Birinshiden, mektep qabyrǵasynda erte oqı bastaıdy, ekinshiden, elde aǵylshyn tilindegi telebaǵdarlamalar men radıo habarlar, sondaı-aq jarnamalar óte kóp taraǵan.
