Shvedter adam múshelerin jasaıtyn 3D-prınter shyǵardy
ASTANA. QazAqparat - Shved kompanııasy adamnyń dene múshelerin basyp shyǵarýǵa múmkindik beretin 3D-prınter oılap tapty, dep jazady VVS .
Bul qurylǵy adam aǵzalaryn jińishke ıne arqyly kók sııamen prınterden shyǵarady.
Syrttaı qaraǵanda, bul úderis kıimniń ústine órnek salyp jatqan joǵary tehnologııaly tigin mashınkasyna uqsaıdy.
Biraq keıinnen órneýlikter ulǵaıady. Adamnyń shynaıy jasýshalary bar bıosııadan salynǵan muryn shynyda ósiriledi. Ol ýltrakúlgin sáýlede aıqyn kórinedi.
Shved kompanııasy oılap tapqan qurylǵynyń basty maqsaty - medıtsınalyq dáriler men kosmetıkada testileý úshin qoldanýǵa múmkindik beretin adamnyń terisi men shemirshekterin jasap shyǵarý.
Jańa qurylǵyny oılap tabýshy 28 jastaǵy Gatenholm 20 jyldan keıin osy tehnologııanyń kómegimen adamdardyń dene múshelerin jasap shyǵarýǵa bolatynyna sendirýde.
Aıta keteıik, Erık Gatenholm Cellink shved kompanııasynyń negizin qalaýshylardyń biri jáne basshysy.
