Shvedova juptyq oıynda jeńiske jetti
ASTANA. QazAqparat - Qazaqstandyq tennısshi ıAroslava Shvedova Brazılııadaǵy «Brasil Tennis Cup» týrnırinde juptyq jarystyń fınaldyq kezeńinde jeńiske jetti. Bul týraly Vesti.kz saıtyna silteme jasap kazsporttv.kz habarlady.
Ol ıspandyq Anabel Medına-Garrıgespen bir jupta oınap, birinshi partııada qarsylastarynan 7:6 esebimen basym tústi. Ekinshi partııada 2:6 esebimen utyldy. Al úshinshi sheshýshi partııada ıspan-qazaq juby 10:3 esebimen jeńiske jetti! Aıta keteıik, týrnırdiń syıaqy qory - 250 myń AQSh dollary.
