Shved sportshysy álemde tuńǵysh bolyp qar kóligimen aýada eki aınaldy
ASTANA. QazAqparat - Shvetsııalyq ekstremal Denıel Bodın álemde tuńǵysh bolyp qarda júretin kólikpen artqa qaraı 2 márte salto jasady, dep habarlaıdy Red Bull saıty.
Sportshy bul áreketti jasaýdy eki jyldan astam ýaqyt armandaǵanyn, al qazir muny jasaý qolynan kelgenine sene almaı otyrǵanyn aıtqan. Bodın sondaı-aq sońǵy birneshe aıyn tutas osy áreketti jasaýǵa daıyndyqpen ótkizgenin de málimdegen.
Bodın ekstremaldy sporttyń jankúıerlerin alǵash ret tańǵaldyryp otyrǵan joq. Ol 2013 jyly shańǵy tramplıninen qar kóligimen sekirip, 66 metr jer qalyqtap baryp qonǵan.
