Shved mektepterinde uıaly telefondarǵa tyıym salyndy

ASTANA. KAZINFORM – Shvetsııa úkimeti kúzgi oqý semestrinen bastap bastaýysh mektepterde uıaly telefondardy paıdalanýǵa jalpyulttyq tyıym engizedi, dep habarlaıdy AZERTADJ.

Oqýshylar oqý kúni bastalǵanda telefondaryn tapsyryp, sabaq aıaqtalǵan soń qaıta alady.

Tyıym uzartylǵan toptarǵa jáne ashyq formattaǵy mektepten tys is-sharalarǵa da qatysty bolady. Degenmen oqý maqsatynda nemese erekshe jaǵdaılarda telefon paıdalanýǵa ruqsat etilýi múmkin.

Bılik ókilderiniń pikirinshe, barlyq mektep úshin biryńǵaı tyıym engizý tynysh ári qolaıly oqý ortasyn qalyptastyrýǵa jáne oqýshylardyń nazaryn bóletin faktorlardy azaıtýǵa qajet.

Bilim mınıstrliginiń aıtýynsha, oqý kúni ishinde oqýshylar sabaqqa tolyq kóńil bólýi tıis, al úzilis kezinde dostarymen aralasyp, mysaly fýtbol oınaýǵa nemese kitap oqýǵa múmkindik alǵany durys.

Zańnamadaǵy ózgeristerdi 1 tamyzdan bastap kúshine engizý josparlanyp otyr.

Bıliktiń málimetinshe, mektepterdiń basym bóligi mundaı shekteýlerdi ishinara qoldanyp kelgen, alaıda jalpyulttyq sheshim bul tájirıbeni zań júzinde bekitýdi kózdeıdi.

Bilim mınıstri Sımona Mohamssonnyń aıtýynsha, uıaly telefonǵa tyıym salý telefondy paıdalaný mádenıetin ózgertýge, sondaı-aq balalar men ata-analarǵa telefonda ótkizetin ýaqytty qysqartýǵa kómektesýi múmkin. 

Zertteýlerge sáıkes, shvetsııalyq jasóspirimder oqý ýaqytynan tys kezeńde telefonda kúnine shamamen jeti saǵatqa jýyq ýaqyt ótkizedi. Bul jaǵdaı tsıfrlyq qurylǵylardyń oqý protsesi men densaýlyqqa yqpalyna qatysty bıliktiń alańdaýshylyǵyn kúsheıtip otyr. 

Aıta ketelik Fınlıandııada eski telefon baılanysy toqtatylady.