Shved hokkeıshisi Lınýs Vıdell «Baryspen» kelisimshartyn bir jylǵa uzartty
NUR-SULTAN. QazAqparat - Shved hokkeıshisi Lınýs Vıdell elordalyq «Barys» sapynda taǵy bir jyl oıyn kórsetetin boldy, dep habarlaıdy QazAqparat komanda saıtyna silteme jasap.
Lınýs Vıdell qazaqstandyq ujym sapynda 2021 jyldyń 30 sáýirine deıin muz aıdynǵa shyǵady.
Bıyl ol «Barys» quramynda 37 oıynda óner kórsetti. Komandanyń jartylaı fınalǵa deıin jetýine úlken úles qosty.
Shvetsııalyq hokkeıshi 2012 jyldan beri Qurlyqtyq hokkeı lıgasynda. Elordalyq klýbqa deıin Reseıdiń «ıÝgra», «Severstal», «Torpedo», «Traktor», Qytaıdyń «Kýnlýn Red Star» jáne Latvııanyń «Dınamo» (Rıga) klýbtarynda oınady. Qurlyqtyq hokkeı lıgasynda 35 jastaǵy shabýylshy barlyǵy 433 ret muz aıdynyna shyqty.
Budan buryn«Barys» quramyna kanadalyq hokkeıshi qosylǵan bolatyn.
Sondaı-aq, qaqpashy Henrık Karlson «Barys» komandasynda taǵy bir jylǵa qalatyn boldy.