Shved ǵalymdary medıtsına salasyndaǵy Nobel syılyǵynyń laýreattary atandy
ASTANA. 7 qazan. QazAqparat - Stokgolmde álemdegi eń bedeldi ǵylymı marapat - Nobel syılyǵynyń alǵashqy laýreattary jarııalandy. Shved koroldik ǵylym akademııasy bir top zertteýshilerge: Djeıms Rotmanǵa (Ielsk ýnıversıteti, AQSh), Rendı Shekmanǵa (Berklı, AQSh) jáne Tomas Zýdofqa (Stenford ýnıversıteti) osy syılyqqa laıyq dep tanyldy. Bul týraly RBK habarlady.
Marapat adam jasýshalarynda júıe tasý salasynda kópirshikterdiń qozǵalysyn retteý tetigin ashqany úshin tapsyryldy.
Ǵalymdar adam aǵzasynyń ár jasýshasy molekýlalardy jasap shyǵaratyn jáne "syrtqa shyǵaratyn" erekshe zaýyt bolyp tabylatynyn anyqtady. Bul molekýlalar aǵza boıynsha arnaıy "qaptamada" - aýa kópirshikterinde jyljıdy. Sonymen qatar olardyń qozǵalysy naqty ýaqytta jáne naqty jerde ótedi.
D.Rotman kópirshikterdiń qalyptasýyna jáne maqsatyn júzege asyrýyna jaǵdaı jasaıtyn aqýyzdy ashty. T.Zýdof jasýshaǵa "júkti" naqty ýaqytta jetkizý úshin qandaı belgi beriletinin sıpattady. R.Shekman osyndaı aǵyn úshin qajetti gender jıyntyǵyn ashty. Ǵalymdar úshtigi jasýshalyq "júkti" tasymaldaý jáne jetkizý júıesin "eń naqty" baqylaýdy sıpattady. Bul keleshekte dıabet jáne ımmýnologııalyq buzylý sııaqty aýrýlardy jeńýge múmkindik beredi.
Eń kóp daýysqa ıe bolǵan Kalıfornııa ýnıversıtetiniń professory Denıs Sleımon molekýlıarlyq tetikterdi meńgerý salasyndaǵy aldyńǵy qatarly maman bolyp tanyldy.
