Shved depýtaty Eýroparlamentte hıdjab kııýge tyıym salýdy usyndy

ASTANA. KAZINFORM — Eýroparlament depýtaty, «Shved demokrattary» partııasynyń ókili Charlı Veımers Eýropalyq Odaqtyń zań shyǵarýshy jáne ókiletti organy sanalatyn Eýroparlamenttiń barlyq qyzmetkerleri men jumysshylaryna musylman áıelderiniń bas kıimderin — hıdjab pen nıkabty kııýge tyıym salý týraly bastama kóterdi, dep jazady AZERTADJ.

Depýtattyń aıtýynsha, bul bastama áıelderdiń baǵynyshtylyq sımvoldarynan arylýyna jáne erkindikti sezinýine baǵyttalǵan.

Charlı Veımers kelesi aptada Eýroparlament tóraıymy Roberta Metsolaǵa osy bastamaǵa qoldaý bildirgen depýtattardyń qoly qoıylǵan petıtsııany tabystamaq.

Qazirgi tańda bul usynysty negizinen ońshyl jáne konservatıvtik partııalardyń shamamen 30 depýtaty (720-nyń ishinen) qoldap otyr.

Alaıda lıberal Karın Karlsbro bul tyıymǵa qarsy ekenin bildirip, Eýroparlament depýtattarynyń kıim kııý erkindigi shektelmeıtinin aıtty.

— Depýtattar qalaǵan málimdemesin jasaı alady, biraq men bul usynysty qoldamaımyn, — dedi ol.

Charlı Veımers óz bastamasyna Frantsııadaǵy memlekettik qyzmetkerler úshin dinı sımvolıkany paıdalanýǵa salynǵan tyıymdy, sondaı-aq Belgııa, Nıderlandy jáne Aýstrııadaǵy qoǵamdyq oryndarda betti jaýyp turatyn kıimderge qatysty zańnamalyq shekteýlerdi mysal retinde keltirdi.

Budan buryn Frantsııanyń Іshki ister mınıstri Brýno Retaıo ýnıversıtetterde hıdjab kııýge tyıym salý ıdeıasyn qoldaǵany habarlandy.