Shved aýrýhanasynyń emdelýshisi ózine-ózi operatsııa jasady
ASTANA. Tamyzdyń 5-i. QazAqparat - Shvetsııanyń soltústiginde ornalasqan Sýndsvall qalasy aýrýhanasynyń jedel kómek bólimshesiniń emdelýshisi dárigerdi kúte-kúte shydamy taýsylǵandyqtan, óziniń aıaǵyndaǵy jarasyn ózi tigip aldy, dep jazady The Local. ıÝnas (tegi, ákesiniń aty aıtylmaǵan) esimdi 32 jasar azamattyń aıtýynsha, ol qabyldaý bólmesinde bir saǵattan astam ýaqyt kútkenimen, dárigerlerdiń eshbiri kómek kórsetpegen syńaıly.
ıÝnastyń aıtýynsha, ol aıaǵyn dýhovkanyń qyryna soǵyp alyp, jaraqattap alypty. Jaranyń orny tereń bolǵandyqtan, ol dárigerlerdiń kómegine júginýge bel býyp, aldymen emhanaǵa barady, biraq ol jer jabyq bolyp, qalalyq aýrýhanadan kómek suraýǵa keledi.
Qabyldaý bóliminde bir saǵattan astam ýaqyt otyrǵan ol, óziniń aıaǵyndaǵy jarasyn mamandardyń kómeginsiz emdep almaqshy bolyp sheshedi. «Jan-jaǵyma qarasam, ıneler men jipterdiń toptamasyn kózim shaldy. Sodan keıin men olardy alyp, ózimniń jaramdy ózim tige bastadym», - dedi shved. Ol atap ótkendeı, ózine-ózi operatsııa jasaý kezinde aýyrǵannan jany kózine kórinse de, ózine basqalardyń nazaryn aýdarmaý maqsatynda tistenip otyrdy.
Aýrýhananyń patsıenti óz jarasyn ózi tigip alǵanynan habardar bolǵan dárigerlik mekemeniń qyzmetkerleri quraldardy ruqsatsyz alǵany úshin onyń ústinen polıtsııaǵa shaǵym jazdy.
