Shvetsııanyń ońtústiginde 12 poıyzdyń qozǵalysy toqtatyldy
ASTANA. QazAqparat - Kúnniń qatty ysyp ketýi saldarynan Shvetsııanyń ońtústiginde 10 tamyzǵa deıin 12 poıyzdyń qozǵalysy toqtatyldy, dep habarlaıdy BELTA agenttigi The Local basylymyna silteme jasap.
Temirjolshylar poıyz joldary aptap ystyqqa shydamaı, zaqymdanýy múmkin dep qaýiptenedi. Bul jaz maýsymynda mundaı sheshim ekinshi márte qabyldanyp tur. Shildeniń sońynda birneshe baǵyt boıynsha qozǵalys toqtaǵan edi.
Osy kúnderi eldiń ońtústiginde aýa temperatýrasy 30-34 gradýsqa jetedi dep boljanýda. Óńirde ystyq ári qurǵaq aýa raıy mamyr aıynan beri saqtalyp tur. Sınoptıkter shildeni Shvetsııadaǵy sońǵy birneshe onjyldyqtardyń ishindegi en ystyq aı dep atasa, Stokgolmde mundaı aýa raıy 262 jyldan beri bolmaǵan.
