Shvetsııanyń Malme qalasynda er adam turǵyndarǵa oq jaýdyrdy
ASTANA. QazAqparat - Shvetsııanyń Malme qalasynyń ońtústiginde belgisiz er adam kóliktiń terezesinen ketip bara jatqan azamattarǵa oq jaýdyryp, 4 adam dene jaraqatyn aldy, dep habarlaıdy Aftonbladet.
Basylym tilshileri silteme jasap berip otyrǵan kýágerlerdiń sózderinshe, belgisiz azamat stadıon mańynda Audi kóligi júrip bara jatqanda oq atqan. 25 qyrkúıek kúni stadıonda fýtbol matchy ótip jatqan. Zardap shekkenderdiń biri bas súıeginen jaraqat alǵan.
Polıtsııa qazir jankeshtilerdi ustaý operatsııasyn bastap ketti, dep habarlaıdy RBK. Quqyq qorǵaýshylardyń málimetterinshe, oq atqan adamdar eki mopedke minip, izderin jasyryp úlgerýleri múmkin. Jergilikti Malmo 24 telearnasynyń habarlaýynsha, kýágerler shabýyldaýshylardyń 4 adam bolǵandyǵyn aıtyp otyr. Olardyń biri qolynda avtomatty qarý ustaǵan. Barlyǵy 20 ret oq atylǵan.
Polıtsııa ókili Aftonbladet basylymyna tártip saqshylarynyń áli kúdiktilerdiń bireýin de ustamaǵandyǵyn jetkizgen.
Malmo 24 telearnasy atys bolǵannan keıin osy aýdanda qýatty jarylystyń daýsy estilgendigin habarlady. Alaıda, polıtsııa ókilderi jarylystyń bolǵandyǵyn rastamaı otyr.
Osyǵan deıin ımmıgranttar qalasy Malmedegi saýda ortalyǵynda atys bolǵan. Ol kezde 1 adam ǵana zardap shekken bolatyn.
