Shvetsııanyń Qorǵanys mınıstri «dıktatorlyq rejımmen» baılanysy úshin qyzmetinen óz erkimen ketti
ASTANA. 29 naýryz. QazAqparat - Shvetsııa eliniń Qorǵanys mınıstri Sten Tolgfors úkimet Saýd Aravııasymen áskerı zaýyt qurylysy boıynsha kelissózder júrgizip jatyr dep taralyp ketken janjaldan keıin óz erkimen qyzmetinen ketti.
Bul týraly Associated Press-ke silteme jasaǵan RosBıznesKonsaltıng habarlaıdy.
S.Tolgfors kópshilik aldynda onyń qyzmetin bosatýyna BAQ áser etkenin aıtty. Áskerı vedomstvonyń Saýd Aravııasymen tankqa qarsy quraldardy jóndeý jáne jańǵyrtý zaýytynyń qurylysyn talqylap jatqany belgili bolǵanda, Shved medıasy mınıstrdi qatań synǵa aldy.
Ózin aqtaýǵa tyrysqan mınıstr Shvetsııada Saýd Aravııasyna qarýdy eksporttaýǵa resmı túrde tyıym salynbaǵanyn málimdedi. Alaıda jýrnalıster jáne olarǵa qosylǵan qoǵamdyq belsendiler S.Tolgforsty oǵan qosa vedomstvonyń «qarýlyq kelissózderdi» jarııalaýdan qashpaqshy bolǵany boıynsha aıyptady.
Shvetsııanyń patsıfısteri sondaı-aq kelissózderdi kinálap, olardy «ústemshil rejım bar áskerı kelisýshilikter yzalandyratynyn» málimdedi.
S.Tolgfors Shvetsııa Qorǵanys mınıstriniń qyzmetin 2007 jyldan beri atqaryp kelgen.
