Shvetsııanyń bir qalasy tolyǵymen kóshirilmek
ASTANA. QazAqparat - Shvetsııa bıligi fantastıkalyq is-áreket, eldiń soltústiginde ornalasqan Kırýn qalasynyń turǵyndaryn qutqarý boıynsha asa ózekti jobany iske asyrmaq.
Qala jyl saıyn jer astyna batyp jatyr. Kırýnanyń astynda ken shyǵarý shahtalary ornalasqan, dep habarlaıdy Gizmodo.
Injenerlerdiń baǵalaýynsha, eger shara qoldanbasa, 2050 jylǵa qaraı qala ǵımarattarynyń kóbi shahtalarǵa qulaıdy. Sondyqtan Shvetsııa bıligi 12 jyl boıy 20 myń adam turyp jatqan Kırýnany shyǵysqa qaraı 3 shaqyrym jerge kóshirýdiń túrli nusqalaryn qarastyryp keledi.
2004 jyly qalany kóshirý boıynsha úzdik jobanyń halyqaralyq baıqaýy ótkizildi. Bul erekshe tenderdi shvetsııalyq White Arkitekter sáýlet bıýrosynyń ókilderi jeńip aldy. Olardyń Kiruna 4 Ever jobasy 2014 jyly bastaldy. Kompanııa mamandarynyń bojamdaryna qaraǵanda, 20 jyldyń ishinde Kırýnanyń barlyq turǵyndary jańa qalaǵa kóshiriledi.
Mamyrdyń ortasynda onyń qalaı júzege asyrylatyny týraly shaǵyn derekti fılm jaryqqa shyqty.
