Shvetsııanyń bas epıdemıology koronavırýspen kúreste qateleskenin moıyndady
BRıÝSSELЬ. QazAqparat - Shvetsııanyń bas epıdemıology Anders Tegnell koronavırýspen kúreste ózi usynǵan ádistiń qate bolǵanyn moıyndady. Ol elde karantın jarııalaýǵa qarsy bolǵan edi, dep habarlaıdy QazAqparat.
«Bul indet týraly qazir biletin málimetterimizdi sol kezde bilgende biz qazirgi Shvetsııada jasalǵan is-áreketter men búkil álemdegi karantınniń ortasyndaǵy dara joldy ustanatyn edik», - dedi Tegnell Shved radıosyna bergen suhbatynda.
Epıdemıologtyń pikirin ózgertýine elde pandemııadan kóz jumǵandardyń tym kóptigi sebep boldy.
«Bizdiń Shvetsııada qoldanǵan ádisimizdi budan góri jetildirip, áldeqaıda jaqsartýǵa bolatyn edi», - dep atap ótti ol.
Jýrnalıstiń «Shvetsııada koronavırýstan kóp adam mezgilsiz qaıtys boldy dep sanaısyz ba?» degen suraǵyna bas epıdemıolog «Iá, ol ras» dep jaýap berdi.
Aıta keteıik, Djons Hopkıns ýnıversıteti taratqan málimetke sensek, Shvetsııada 40 803 adam koronavırýs juqtyrǵan. Onyń ishinde 4542 adam qaıtys boldy.
