Shvetsııanyń 104 jastaǵy turǵynyna mektepte oqýǵa shaqyrtý jiberilgen
ASTANA. QazAqparat - Shvetsııanyń Hılte qalasynyń 104 jastaǵy turǵyny Maıa Bergstremge bastaýysh synypta oqýǵa shaqyrtý jiberildi. Bıliktiń mundaı usynysyna Bergstrem otbasy tań qalyp, ony ázil dep qabyldaıdy, dep jazady RIA Novostı agenttigine siltememen 24.kz.
Keıinnen belgili bolǵandaı, bilim berýdiń mýnıtsıpaldy bólimindegi kompıýterler ýaqytsha isten shyǵyp, saldarynan shaqyrtý Maıa ájeıge de jiberilgen. «Biz 2011, 2012 jáne 2013 jyldary týǵan balalardyń ata-analary men asyraýshylaryna túgel shaqyrtý jiberdik. Biraq kompıýter tizimge 1900 jyldary týǵan adamdardy da qosqan», - deıdi balalarmen jumys jónindegi bólimniń meńgerýshisi Stıgert Pettersson.
