Shvetsııada jyljymaly ... balabaqshalar ashyldy
ASTANA. Qazannyń 15-i. QazAqparat - Shvetsııanyń Borlenge qalasynyń aýdandyq ókimetteri balabaqshalarda oryn jetispeý problemasyn erekshe jolmen sheship otyr.
Olar jyljymaly ... balabaqsha ashý týraly sheshim qabyldady, dep habarlaıdy ITAR-TASS agenttigi.
Osydan eki jyl buryn elde balabaqshalarǵa buryn-sońdy bolmaǵan kezekter tirkelgen kezde, sheneýnikter tyǵyryqtan shyǵatyn joldardy izdestire bastady. «Avtobýstaǵy balabaqsha - problemany sheshýdiń tez jáne arzan joly boldy», - dep sanaıdy aýdandyq ákimshiliktiń ókili Marıan Nordlef.
Avtobýstyń salonynda balalarǵa kerektiń bári bar - aıaq kıimderge, kıimderge arnalǵan shkaftar, qaýipsizdik belbeýleri bar oryndyqtar, t.b. bári bar. Avtobýs kúnde saǵat 9.00-da kádimgi balabaqshanyń janynan balalardy jınap alady da, jolǵa shyǵady. Jolda olar, aýa raıy jaqsy bolsa, tabıǵattyń ortasynda aıaldamalar jasap tústenedi, bolmasa, jolda tamaqtanady.
Qazir aýdanda balabaqshaǵa kezekter joq, al jyljymaly balabaqsha ata-analardyń arasynda eń tanymal balabaqshaǵa aınalyp otyr.
