Shvetsııada júrdek poıyz apatqa ushyrady, 18 adam jaraqat aldy

Temirjol ekspresi jol jóndeý jumystary júrgizilip jatqan Kımstad stansasynda karerlik júk tıeýshi tehnıkamen soqtyǵysyp qalǵan. Apat saldarynan 18 adam jaraqat aldy, úsh adam - júk tıeýshi tehnıkanyń júrgizýshisi men eki jolaýshy - aýyr jaǵdaıda jatyr, dep habarlady RBK agenttiginen.

Apat kezinde poıyzda 244 jolaýshy bolǵan, olardyń qatarynda Danııadan basketbol jarysynan qaıtyp kele jatqan 13 bala bar. Jóndeý tehnıkasynyń poıyz júrip kele jatqan kezde nege jol ústinde turǵany týraly ázirge eshteńe aıtylmaı otyr, dep habarlaıdy «Azattyq» radıosy.