Shvetsııada jarylys boldy
ASTANA. QazAqparat - Shvetsııanyń Malme qalasynyń polıtsııa bólimshesi mańynda qatty jarylys boldy. Oqıǵadan eshkim zardap shekken joq, dep habarlaıdy RIA Novostı jergilikti Sydsvenskan basylymyna silteme jasap.
Oqıǵa týraly aqparat jergilikti ýaqytpen saǵat 23:00-de túsken. Kýágerlerdiń aıtýynsha, jarylys qatty bolǵan. Eshkim zardap shekken joq. Búlingen avtomobılder týraly málimet bar, biraq ázirge naqty sany aıtylmaıdy. Jarylys aýmaǵy qorshaýǵa alynyp, oqıǵa ornynda arnaıy mamandar jumys istep jatyr.
Oqıǵadan keıin polıtsııa kúdikti adamdy qolǵa túsirdi. Onyń qazir jarylysqa qanshalyqty qatysy bar ekendigi anyqtalý ústinde.
